Revision Group —– 溫習小組

一個溫故知新、實驗野心、發揮創意的園地
~不可改變的歷史~

不可改變的歷史 – 第二幕(搜索唐山)

The following two tabs change content below.

Revision Group

一個傳說中的民間團體,出現於大大小小個大中小學,甚至幼稚園!

旁白:7月26日,另一家民居門口

暴雨:(隊長既語氣)我地由今日開始要向南前進搜索線索,哩段路都頗為艱辛,因為我地要經過大大小小既山丘,溪澗,仲要沿途打聽下有無d咩線索添。

海潚:(突然發覺)咦!前面50米果度果兩個人咁熟口面既…好似上次打你既…(大聲)喂~~

(惡魔+高達的逃走跑步聲)

海潚:(疑惑)點解佢地愈叫愈走既??駛唔駛追佢地啊?

暴雨:(放過佢地)唔好追啦,我地繼續行啦。

(行路聲)

狂風:(報告語氣)報告隊長,頭先我問過一個潛水員,佢話前幾日係海裏面見過一條好似火龍既野向島的南面游過去,而且哩幾日哩度附近d村入面既池塘都會噴出好勁既水柱,愈近南面礦區既就噴得愈勁。

暴雨:(得出結論)嗯…應該係礦區果度有唔妥,我地向礦區進發啦!

(行路聲)

暴雨:(奇怪地)哇!點解哩度有咁大聲既嗤嗤聲既?

工人甲:(大聲)咪走呀!你地到底係咩人..係個機井度做乜野?

(惡魔+高達,逃走)

暴雨:(驚訝地)又係果兩個人啊,佢地做咩呢..點解俾人追既?

海潚:(好聲好氣問)啊叔...你做咩追佢地啊?

工人甲:(不奈煩)佢地哩幾日成日都係度出現...自從佢地出現左之後.哩度既水泥板蓋上面個隆就係咁噴d汽出來,你睇下,依家擺塊石頭係上面..仲可以令舊石懸浮啊!

暴雨:(得出結論)真係唔尋常啊...狂風你過去去調查下啦。

(機器分析聲)

狂風:(報告)查到啦,根據我個地質震盪檢測器既顯示,哩度下面應該有部巨形機器運作緊,而哩部機所發出既超聲波應該就係令到d昆蟲同鳥類向北方飛的原因,而且d超聲波經過水既傳送,令到d魚類行動失常,睇黎大地震既起因就係因為哩部機啦!

暴雨:(得出結論)睇來我地既對手係哩個時代既高科技犯罪組織!

海潚:(急不及待)咁我地快d入去停止佢既運作啦

狂風:(解釋)但係我地無辦法由哩度直接入去,要去搵佢地個入口先得,如果就咁強行突破入去,可能會引發大爆炸架!

暴雨:(伸懶腰)係啦。依家都夜啦...我地就聽日先搵入口啦,仲有成日時間。(發問)喂,阿叔,點解哩度D人夜晚都唔熄燈既?

工人甲:唔係我地唔想熄ㄚ,但哩排真係好奇怪...d電制熄左但d燈都係會着住...而且我頭先仲見到一支拆左落來既20瓦燈管響度閃閃發光,真係好得人驚ㄚ…

眾士兵:(極驚慌)哇,救命啊..有鬼啊。

海潚:(鎮定地)咩事,咩事,邊度有鬼ㄚ?

士兵甲:我地軍營地下的鋼根無端端發出閃亮的火花。

士兵乙:係啊..就好似有個隱形人在燒焊啊。

狂風:(分析)哩d燈唔熄同埋有火花既現象應該都係因為部機運作時令產生磁場變化左而引起既,之前海入面既火龍應該都係磁牆所形成既假像,而且我發覺,天上面既磁場都好似有d唔妥…

暴雨:(總結)我地都係早D休息...準備聽日搵入口啦。

旁白:7月27日,

暴雨:(伸懶腰)我地又要開始行動啦!(驚訝)哇,已經成十二點幾!!起身啦,快。

海潚:(驚喜)咦,又係燕子喎,但係d燕子都紛紛搬屋啦!睇來我地要快d行動啦!

狂風:(分析)根據我地之前收集到既情報,個入口應該係位於林西礦區果度。

暴雨:(趕時間)唔好講咁多啦,我地無乜時間啦,快d出發啦。

(行路聲)

狂風:(分析)過埋哩塊棉花田就接近礦區架啦!

(飛機聲)

海潚:(驚)哇哇哇!怪蟲啊!有一大群密集既怪蟲飛緊過黎呀。啊!d聲音好刺耳啊。

農民甲:(輕視)咩怪蟲啊,哩d係蜻蜓啊。咁都唔識?咁笨架!

海潚+狂風+暴雨:喔~原來係咁。原來哩d就係傳說中既蜻蜓。

農民甲:(輕視)咩叫傳說中啊,你地神神化化咁。其實今次都唔算誇張啦,上次有人見到D蜻蜓飛行隊伍成一百幾米寬,足足飛咗十五分鐘先完呀。

農民乙:(勸告)好啦,唔好同佢地講咁多啦,我地要快d入城呀。

暴雨:(醒悟)係喎,我地都要快d啦,時間無多。

(行路聲)

路人乙:(驚)救命啊!救命啊!救命啊~~(跌倒)哎呀!

海潚:(發現)喂,前面有人哎救命呀。佢仲仆左係度。

暴雨:(關心)嘿,你無事嗎?

路人乙:(驚)後面有好多蝙蝠飛緊來呀。

狂風:哈??日頭都有蝙蝠?你有無睇錯呀.

海潚+暴雨:(呆左)佢無睇錯呀。

狂風:(不相信)你地又知?咪扮野喎。

海潚+暴雨:(由呆到驚)佢..佢地飛緊過來呀。

(蝙蝠聲)

海潚+狂風+暴雨:(驚)哇~~~~(= =”)無事喎。

暴雨:(發問)你知唔知d蝙蝠係邊度來架。

路人乙:咪就係前面轉右十步再轉左一百零三米既八點方向個礦洞果度囉!

暴雨:好。Let’s go。全速前進。

(行路聲)

海潚:(鬆一口氣)終於來到洞口啦!(唔舒服)但係哩度充滿咗黃色既霧,好臭ㄚ。

狂風:(警告)唔好吸ㄚ!哩d係硫磺既氣體!快d戴上口罩啦!

暴雨:(提議)快d入個洞入面避下先啦。

海潚:(發表意見)哩度d噪音越來越大,睇來我地搵岩左啦。

暴雨:(默想)而家係夜晚九點正,我地來到左邪惡魔組織既總部。

狂風:(發現)哩度有度門呀。我地提高警覺,入去睇下!

(嘭!開門)

海潚:(驚奇地發現)前面有三個人影呀!我們小心d行過去睇下佢地係咩人。

狂風:(不耐煩)乜又係你地兩個ㄚ?真係冤家路窄。

高達:(怒)哼,你地都幾好野呀,竟然搵到來哩度。

惡魔:(小許驚)麻煩啦。我地既計劃似乎會有阻滯啦。

暴雨:你地到底有咩陰謀?

嘍囉甲:(驚慌地)唔…好殺我呀,我講喇,我地諗住用機器開採唐山下面果d超級能源。

惡魔:爆我地大獲?!死啦!

嘍囉甲:哇!!!!!!(被惡魔殺死)

惡魔:我地個計劃比佢地識穿左,今次麻煩啦!

高達:(怒)唔緊要,他們來得正係時候,我地可以繼續上次未完既戰鬥。

暴雨:(命令)走開,我地冇時間同你地玩。

惡魔:(怒)好啦,咁戰鬥啦。

海潚:(提議)暴雨,你快d去搵方法停止個系統,哩度交比我地應付。

暴雨:(托付)好啦,咁拜托你地啦,我走先。

海潚、狂風:來啦你地兩個幹部。

高達:試下我既核子爆裂拳啦。

(爆炸聲)

狂風:好彩避得開,到我出招啦,動輪劍,垂直一字斬!

(劍聲)

高達:你哩招根本無可能傷到我既,看我的龍捲防禦。

(磨擦聲)

狂風:敝,一字斬同防護網相撞產生既衝擊波會傳到上地面,可能會對地面既動物產生不良影響。

高達:好啦,玩夠啦,試下我既絕招:高出力核子粉碎拳。

狂風:我~排山倒海,翻雲覆雨,大海無量~~~~~~

(怪聲)

高達+狂風:哇!!!!!!

(爆炸聲)

狂風:(喘氣)佢的確係好強既對手。

惡魔:(哀傷)死神高達,唔好死呀,你快d起翻身。

海潚:係戰鬥既時候分心,足以致命呀。試下我既風起雲動拳。

惡魔:哇!可惡,隻手傷左添,不過唔緊要,死神高達,我會幫你報仇架。惡魔奧義,地獄殺~~!

狂風+海潚:(慘叫)

海潚:你都幾強呀,我就係鐘意同強者決鬥,來啦,我地痛痛快快咁打一場。

(打鬥聲)

狂風:哇!兩個都好厲害,我都唔知邊個會贏ㄚ。

海潚:北斗神拳奧義,北斗百裂拳

惡魔:惡魔奧義,無限黑暗

(爆炸聲)

惡魔:你都幾厲害,不過最後可以笑既始終係我,哈哈...

海潚:可能啦…不過…你已經死了。

惡魔:ㄚ,點解我..我會咁既,(慘叫)

(爆炸聲)

狂風:海潚好野,你打贏左啦。

海潚:當然啦,我咁厲害...

高達:你...你唔好咁開心住,就算你係打贏我地,你地都阻止唔到個計劃。(倒地)

Share

相關筆記:

由 Revision Group 寫在[不可改變的歷史]筆記本內 | 寫回應

回應欄

[非面書留名回應] 請填寫你願意提供的個人資料及回應。

你的回應

你的電子郵件位址並不會被公開。