Revision Group
Latest posts by Revision Group (see all)
- 11/11 超強颱風襲菲 海燕殺萬人 - 十一月 11, 2013
- 15/10 菲律賓中部7.2強震 - 十月 15, 2013
- 7/10 暴風雪襲美 9龍捲風毀百屋 - 十月 7, 2013
- 17/9 「萬宜」襲日千噸輻射水排入大海 - 九月 17, 2013
旁白：而家暴雨果邊既情況
暴雨：(喘氣)點解個基地咁大架，行極都行唔完既。咪住，哩對門貼住張靚女相，一定有問題，等我入去睇下先。
(開門聲)
巨頭魔王：(奸笑)你終於搵到黎哩到拿？
暴雨：唔好咁多野講，你地部採能量機係邊？
巨頭魔王：．．．
(5秒)
暴雨：做乜唔出聲呀你？講野ㄚ！
巨頭魔王：你頭先叫我唔好咁多野講，我咪唔講囉。
暴雨：你這傢伙，不要惹怒我。
巨頭魔王：你無必要發怒呀，你地好快就會死，好啦，我要走啦，再見啦，大隻佬。啟動瞬間傳送系統。
暴雨：咪走
巨頭魔王：唔好阻住我，我唔想送埋你去天空基地。
暴雨：去你基地，正合我意。
(傳送聲)
旁白：天空基地內
暴雨：哩度就係天空基地？？真係好高！唔怪得我地搵唔到啦。受死啦巨頭魔王，接我哩招啦，世界終結。
巨頭魔王：哇！我死啦．．．
暴雨：終於了結左佢啦，等我搵下有冇出口先，咦．點解地下會有一卷野既，等我睇下先！哩份咪係佢地果個地底基地既平面圖？太好啦，有咗佢，我地就可以搵到部機器啦。
巨頭魔王：(就死)我就算死，都．．都要你地顫屍底。哈哈，下面部機四個鐘之後就會爆。
(按下自爆掣)
暴雨：(怒)你隻巨頭魔王，生就害人，死就累街坊。死啦！我要鞕屍。
（鞭屍聲）
海潚：暴雨，唔好打啦，快Ｄ走，個基地就來爆啦！
暴雨：你地點解會上左來既？
狂風：我地係地下基地用傳送點上來架。我地知道點樣落翻去，暴雨，快d跟我地來。
暴雨：ＯＫ
海潚：喂，前面果個人同我企係度，我問你，點樣至可以熄左下面部機？
嘍囉乙：好簡單之嘛，襟機器前面個關機掣咪得囉。
暴雨：你已經沒利用價值啦，死喇！
嘍囉乙：哇！！！！！！！！！！！！
旁白：在地上的某處
路人丙：(驚恐)咦~喂？個天點解變左紅色架？？我，我有Ｄ不祥既預感。
旁白：地下基地內
暴雨：喂，你地兩個跑快d啦，就黎夠鐘啦。如果趕唔切，我地就死硬啦。
海潚：知道啦，我地已經開盡TURBO啦。
狂風：你地兩個望下前面，前面有度門呀。
暴雨：好野，我地終到啦，就快可以搞點單野啦。
(開門聲)
海潚：你係咩人，點解你會係哩度？
超未來人：我來係阻止你破壞哩部機器既。
狂風：乜話？唔通你係果個組織既死剩種？
暴雨：駛咩同佢講咁多，出絕招了結佢喇，看我的， 世界終結
海潚：北斗神拳奧義，北斗百裂拳
狂風：排山倒海，翻雲覆雨，大海無量！！！
超未來人：(慘叫)
海潚：點解你唔反擊呀？
超未來人：我，我冇必要反擊，因為我唔係黎戰鬥既，你地聽我講，我係來自另一個歷史既未來人。
暴雨：下，咪講笑啦，你有乜證據。
超未來人：我係講真嫁，你睇下我張駕駛執照，而且係我地果個時空，唐山大地震並冇發生到，不過，因為地震無發生，地球進入冰河時期，仲間接引起地球內戰，令人類面臨滅絕危機，所以，我要提醒你地，阻止地震未必係一件好事哩。你地要慎重考慮，我要講既係咁多，再見啦，三位。
狂風：暴雨，海潚，我地要點做呀？
(靜默十秒)
暴雨：我，我決定左啦，海潚，狂風．我地快d走，諗辦法減少人口傷亡。
海潚：(質問)我地唔係要破壞部機器架咩？
暴雨：算啦，真正既英雄，係要有犧牲自己，拯救多數人既勇氣。
海潚+狂風：我地明白啦，咁我地快d行動啦
旁白：地面上，時間：七月廿八日，零時零分
海潚：各位老鼠先生，你地快d去通知其他動物離開唐山，因為哩度好快有地震，而且你地走既時候要想辦法通知人類離開，拜託哂。另外，各位狗大哥要用盡一切方法將你地既主人帶去安全地方。知道未？
(狗吠聲)
海潚：好，行動啦。
狂風：(放鬆)而家我地要做既都做完啦。跟住，就要睇其他人既造化啦。
暴雨：(默想)就係咁，我地盡我地所能，拯救左唔少既人同動物，而大多數既狗亦都成功阻止做佢地主人入屋企，救到佢地既主人。
旁白：時間：七月二十八日，三時四十分
海潚：仲有兩分鐘地震就會開始。
狂風：兩分鐘之後，亦係我地返去未來受死既時間。
暴雨：唔緊要啦，我地已經做左一件非常之光榮既大事，死都死得有價值。
海潚+狂風：冇錯，我地已經成為左真正既英雄！
旁白：七月二十八日三時四十二分五十三點八秒：邪惡組織既機器發生大爆炸，引起左唐山大地震。三個未來特工亦被強行吸入時光機，被帶回未來。
(回到過去既音樂)
海潚：而家睇番d數據，原來歷史之中記載既先兆，大部份都係由邪惡組織果部大機器間接造成既，而之所以後來都無人發現部機存在過，係因為頭先爆炸果陣，成部機好似火球咁飛左出地面然後分解成粒子。另外，睇番歷史，有一部份既先兆係我地頭先製造出來提醒d居民既，即係話…在這不為人知既歷史入面，其實有著我地既影子。我地都係歷史之輪既推動者。
狂風：雖然我地一陣番到去或者真係要接受死刑，但係我地唔係因為任務失敗，我地做既野對人類而言絕對係無錯既。哩次任務之後先知道，原來…歷史唔係人可以輕易改寫到架，當我地以為回到過去就有能力改變到歷史，但係我地卻無發現到，原來我地既行為，都只係歷史中一段小小既片段。命運既野，係冥冥之中自有安排既。我地人類可以做既，就係接受命運，接受歷史。
暴雨：嗯…改變唔到既野，最好就係接受左佢，與其試圖改變以前既歷史，不如引鑑前車，睇下點樣可以避免大災難發生啦。班歷史學家都唔知做乜既，咁簡單既道理都唔識。哎呀！頭先唔記得問下果個超未來人到底哩次爆炸引起既地震點樣令地球唔進入冰河時期ㄚ！！番到去要叫d科學家查下先得啦！！如果唔係到時我地咪好危險？！！唔係啦，不如我地劫哩架時光機去果個未來問下佢啦！準備行動！
海潚：你唔好亂來ㄚ！
狂風：果個未來人話左。
海潚：只要部機爆左。
狂風：歷史就無變。
海潚：我地根本唔洗擔心咁多既。
狂風：安心番去受死啦。
