Revision Group —– 溫習小組

一個溫故知新、實驗野心、發揮創意的園地
~不可改變的歷史~

不可改變的歷史 – 第一幕(未來任務)

The following two tabs change content below.

Revision Group

一個傳說中的民間團體,出現於大大小小個大中小學,甚至幼稚園!

旁白:特工總部

上司:(嚴肅地)你地三個聽住,你地兩個禮拜前因為行動失敗引致大量雞隻死亡,已經成為左死囚,而家我比一次機會你地將功贖罪,你地要即刻坐時光機返去1976年既唐山,阻止大地震發生,如果成功既話你地就唔駛死,但係如失敗既話,你地就要面臨更殘酷既死刑。

暴雨:(不屑地)點解,點解要搵我地啊?點解要去唐山?

海潚:(不屑地)係囉,點解要我地去,點解唔係你去阿?

狂風:(輕佻地)咪係囉,我地等特赦好過啦!

上司:(惡)你地一定要去...因為你地無得揀!

(斯文地)歷史學家話唐山大地震死得太多人啦,而且事前有太多不尋常既先兆,我地懷疑哩次地震係人為既,所以你地要去調查下,何況你地曾經係我地部隊中最出色既特工,除左你地三個,相信再無其他人可以完成哩個任務。。

(輕鬆地)嗱!哩度有部「材可夫斯機」,暴雨你要隨身攜帶,佢會錄低哂你地做過同唸過既野。好,就由而家開始錄啦。

(大吃一驚)敝!點解開左架??咁咪!…不過算啦。

(嚴肅地)[咳兩聲]你地依家立即去準備,三分鐘後出發。

旁白:三分鐘後,時光機內

(回到過去既音樂)

暴雨:(默想)我地有十日時間,可唔可以完成任務呢?

海潚:(好正經地)根據時光機數據顯示,唐山大地震發生於1976年7月28日早上3時42分53。8秒既東經118。2度,北緯39。6度,而我地預定到逹唐山既時間係1976年7月18日。

狂風:(好正經地)數據亦都顯示,由7月18日開始,唐山附近就開始發生各種特別既景象,例如蜻蜓成群結隊咁飛離唐山。

暴雨:(好奇地)咪住,蜻蜓係乜黎架???

海潚:(扮識地)蜻蜓咪係……我都唔知。

狂風:(懶正經地)唔知就算啦,數據仲話,大多數既狗都會阻止佢地既主人返屋企,仲會拖佢地主人出大街!

暴雨:(默想)於是我地坐住時光機去到1976年7月18日,哩日係我既生日,亦即係我既任務開始,哩次任務好似好簡單,但係我個心那住那住咁,唔通…。。

時光機:依家到逹目的地,請各住準備,哩度係1976年7月18日3時42分53。8秒既唐山。

暴雨:(著落聲) (伸懶腰)終於到左啦!哇!部時光機咁快走咗?

狂風:(驚慌地)敝…。頭先我唔記左print份先兆既資料出黎,我地無資料可以參考啦!

暴雨:(更驚慌地)係ㄚ!好敝ㄚ!我老婆張相漏左響上面!

海潚:(超慌張地)我仲敝ㄚ!我杯雪糕係上面,會溶架!!

狂風:(又懶鎮定)都係唔好理哩D野住,我地依家飲飽食醉,訓番覺,天光就去收集情報。

海潚+狂風+暴雨:(興奮地)YO~YEAH

旁白:7月24日,唐山

(鬧市音樂)

暴雨:(懷疑地)來咗哩度成五日啦,我地每日都係度搵線索,但係乜都搵唔到,部時光機係唔係壞架,宜家咁靜都唔似會有大災難,唔通哩度唔係唐山?

海潚:(命令式)喂,個邊果兩個呀叔,望咩呀,係叫你地呀,你地同我過黎。

惡魔+高達:(不耐煩地)咩事呀?呀生。

海潚:(命令式)我而家問你地,哩度係咪唐山阿?

高達:(不耐煩地)哩度唔係唐山唔通係鹽山咩?

海潚:(命令式)咁今日係咪七月廿四日?

惡魔:(不耐煩地)梗係七月廿四日啦,唔通廿四月七日咩?

海潚:(命令式)哩幾日有冇咩特別既野發生呀?

高達:(有耐性地)我地果邊部機都運作得幾好。不過d魚走哂過來哩度附近,搞到我地要山長水遠來到哩度買魚食。(被惡魔打頭)(痛)哎呀,做咩打我個頭ㄚ你!

惡魔:(細聲)高達仔,唔好亂講野阿。

狂風:(細聲+懷疑)哩兩個人做咩咁怪架,又機器又魚,哩排d魚明明好易捉嫁,有古怪!

惡魔:(細聲)俾佢地懷疑啦,殺佢地滅口。

(音樂換成緊張)

暴雨:(警戒地)小心,係遠方傳黎好大殺氣。

狂風:(無奈地)遠乜鬼野遠呀?係你面前哩兩個呀叔呀!

暴雨:(唔信)係咩,冇理由架!(被惡魔打)哎呀!我都未講完對白,做乜咁快打我呀?兄弟,準備作戰。

高達:(細聲地)咁都無事?喂!停手,佢地睇黎唔係普通人,我地唔好搞大件事,走吧啦。

(跑步聲)

(攪笑既音樂或鬧市音樂)

暴雨:(越叫越大聲)喂…喂…喂,我都未出手,邊個俾你走呀?返來呀!

狂風:(不耐煩)算啦,我地去第二道搵料。

海潚:(命令式)喂,賣魚佬,哩排做咩咁多魚架!

賣魚翁甲:咪就係因為d魚好似癲晒咁,呢~魚場果邊d魚好多都上浮,翻白,鬼咁容易捉。

賣魚翁乙:(搭訕)咪係囉,但哩排d水漲得好勁,之前可以曬三張魚網既地方,依家剩係曬到一張咋,都唔知點解會咁既。

海潚:(想走又走唔到)係係,唔該哂。

賣魚翁甲+乙:仲有呀,陳生d金魚今朝係咁爭住跳出來,放番入去又跳番出來,仲要係咁叫。

海潚:(想走又走唔到)係係,唔該哂。

賣魚翁甲+乙:仲有呀....

暴雨:(極不耐煩)得啦,拿,錢呀!唔洗再講啦。

狂風:(總結)好啦,今日搜集得差唔多啦,我地返去休息啦。

旁白:7月25日,民居門口

暴雨:(精神地)好啦,開始我地今日既線索搜查啦。

(雀仔聲)

海潚:(驚奇地)依?!點解我頭上面有野既?哇,燕子黎架!

(開門聲)

居民:(怪責地)你地做乜訓係我屋企門口ㄚ?仲笠我隻燕子添!

海潚:(緊張地解釋)唔係呀!係佢自己跌落我個頭上面架。

居民:咁你地做乜訓係我屋企門口ㄚ?你地冇屋企訓咩!

狂風:(扯開話題)嗯…哩個原因遲d先講啦,我地依家最緊要快d放番隻燕子上去先ㄚ。

居民:(大聲)阿仔,攞張櫈出來,我要擺番隻燕子入巢ㄚ。

居民個仔:來啦來啦。

(擺櫈聲加企上去既透氣聲)

居民:(開心地)搞掂,食碗麵。(驚奇地)依?!點解隻老燕係咁擔番隻小燕子出黎架?喂,你地三個知唔知啊?!

(3秒後)

居民個仔:阿爸,果3個怪人頭先趁你唔覺意就走左啦!!

(雀聲)

暴雨:(隊長既語氣)呀...我地係市區搵左咁多日,係時候o係海邊睇下啦。

狂風+海潚:好喎、好喎,好耐冇落水玩。

(海浪聲)

暴雨:(疑惑)依?!點解d空氣會吱吱聲架?!唔通我耳鳴?

海潚:(驚奇地)哇!點解海上面有一大堆綠色既怪蟲架?密麻麻鋪哂係隻船上面,郁都唔郁。

狂風:(驚奇地)哇!仲有一大堆色彩繽紛既蝴蝶係上面。

暴雨:(驚奇地)哇!!仲有d黃蟲同埋蟬添。

狂風+海潚:(驚奇地)哇...仲有好多麻雀同埋唔知咩雀呀!

暴雨:(超驚奇地)哇哇哇,個隻乜黎架?!唔通係我地果個時代瀕臨絕種既虎皮鸚鵡?!佢都飛埋去船到喎,做乜呢?

路人甲:我都唔知呀,一個鐘頭前,哩d野就係咁由南面飛過黎,源源不絕都唔知做乜!

狂風:(不屑地)你係邊個呀,我地有問你咩!

路人甲:(慘叫)~

海潚:(提醒)喂,唔覺唔覺,我地望住隻船好耐囉喎,不如睇下漁塘果邊先啦。

(流水聲)

暴雨:(好驚奇地)哇!你睇下d魚,點解會咁架!?頭向下,尾向上,倒立響水面,好似爆旋陀螺咁轉既?

狂風:(分析)唔!睇來唐山地下下面一定有d唔妥,而且個源頭仲應該係響南面!我地一定要去南面調查下。

海潚:(伸懶腰)...我地今日搜查到哩度先啦,返去抖抖,聽日先向南前進啦。

Share

相關筆記:

由 Revision Group 寫在[不可改變的歷史]筆記本內 | 寫回應

回應欄

[非面書留名回應] 請填寫你願意提供的個人資料及回應。

你的回應

你的電子郵件位址並不會被公開。